သားတစ်သာ မြင်တယ်၊ ကြော့ကွင်း မမြင်ကြတော့

တပည့်တော်မရဲ့ မိဘမျာကလည်း တောသူတောသား လူရိုးတွေဆိုတော့ သားတစ်သာ မြင်တယ်၊ ကြော့ကွင်း မမြင်ကြတော့ သူတို့အဖို့မှာ စားရကံကြုံလို့ မုတ်ဆိတ်ပျားစွဲတယ်လို့တောင်ထင် ကြပါသေးတယ်။ သူတို့ ကံထူးတယ်ပေါ့လေ။
ဒီကုလားနဲ့ ဆက်သွယ်ကြတာပါပဲ။ ဒီကုလားရဲ့ဆိုင်ကြီးက လစဉ်ဆိုသလို တစ်ထောင်၊ ထောင့် ငါးရာဖိုးယူပြီး ရောင်းကြပါတယ်။ လူရိုးတွေဆိုတော့ စာရင်းအင်း မထားကြဘူး။ ကုလားသူဌေးက မှတ်ထားပြီးရောနဲ့ ဒီလိုပဲနေကြတာပဲ။ မေမေက ဆိုင်ရောင်း၊ဖေဖေကတော့ ငါ ကုသိုလ်ဘက်အားထုတ် နိုင်ဖို့ ကြံဖန်ပြီး မ မယ်လူပေါ်လာတာ၊ ဥပုသ်ရက်ရှည် စောင့်မှပဲဆိုပြီး ဥပုသ်စောင့် ဘုန်းကြီးကျောင်းသွား နဲ့ ဆိုင်ကိစ္စဆိုရင် ဘာမှ သူမသိတော့ဘူးဘုရား။
လယ်ကလည်း ရေကြီးလို့ လယ်ခင်းတွေက ကောင်းကောင်းမရတဲ့နှစ်တွေနဲ့ လာကြုံတော့ ဆိုင် ကလည်း အရောင်းအဝယ် ထိုင်းချင်တိုင်းထိုင်း၊ အရှုံးခံ ရောင်းရတာကများ ကုလားကတော့ ကုန်ကျွေး ပေးလျက်က်ပါပဲ။
တပည့်တော်မကလည်း ကျောင်းနေရင်းမို့ တစ်ခါတစ်လေ သတိရတဲ့အခါ မေမေ့ကို ‘ မေမေ ကုလားကျွေးတွေ တိတိကျကျ ဘာမှမှတ်တာ မတွေ့ဘူး၊ နှုတ်နဲ့မှတ်ဆိုတာလည်း တစ်နှစ် တွက်မှန်ဖို့ ခဲယဉ်းတယ်။ တစ်နေ့ နှာခေါင်း ကျည်ပွေ့တွေ့လိမ့်မယ်လို့တောင် တပည့်တော်မ နှုတ်က ထွက်ပြီး သတိပေးမိပါသေးတယ်။‘
မေမေတို့ကတော့ ကုလားကို အင်မတန်ယုံနေပါတယ်။ ‘ တို့ တက်နိုင်သလောက် ဆပ်သွား လည်း ကိစ္စမရှိဘူး၊ ဆိုင်ဆိုတာ ရောင်းမကောင်းတဲ့အခါ အရောင်းအဝယ်ထိခိုက်တဲ့အခါ ဒီလိုပဲခံရတာပဲ၊ တစ်နေ့ ပြန်ကောင်းပါလိမ့်မယ်။ အဲဒီအခါ ခဏလေးနဲ့ စီးပွားပြန်တက်လာလိမ့်မယ်။ ကျုပ်တို့က ဆိုင် အကြောင်း ကောင်းကောင်းနားလည်တယ်။ ခင်ဗျားတို့ကို ကိုယ်ချင်းစာတယ်။ ကုန်ကိုယူနိုင်ပါတယ်။ ခင်ဗျားတို့ ရိုးတာကိုလည်း ကျုပ်တို့သိတယ်၊ ခင်ဗျားတို့ဆိုင်ကို အပြတ်မခံနိုင်ဘူး ကြိုးစားပါ၊ ကျုပ်တို့ကို အားမနာပါနဲ့‘ လို့တောင် မေမေတို့ကို ပြောလွှတ်လိုက်သေးတယ်နဲ့ အဲသလောက် မေမေတို့က ကုလား ကို သိကြားတင်ပြီး နေ့တိုင်း မေတ္တာပို့ ဆုတောင်းကြသေးတယ် ဘုရား‘။
အဲ - ဒုက္ခဖြစ်ချင်လာတော့ တပည့်တော် ခြောက်တန်းအောင်လို့ ခုနှစ်တန်းသင်ဆဲပါ။ ကုလားနဲ့ ဆက်သွယ်လာလို့ ၃ နှစ်ကျော် ဆိုပါတော့ဘုရား၊ တိုင်းပြည်ကလည်း စစ်ဖြစ်မယ်လို့ လှုပ်ရှား ဒီကုလား က စာရင်းစာအုပ်ကြီး ပိုက်ပြီး ရောက်လာပါတယ်။
အတိုချုပ်လျှောက်ထားပါမယ်ဘုရား။ ကုလားက စာရင်းပြပြီး အကြွေး တစ်သိန်းငါးသောင်း အတိုးကဘယ်လောက်ဆိုပြီး ပြတော့မှ တပည့်တော်မတို့ သားအဖတွေမှာ မျက်လုံးပြူးကုန်ကြတာပေါ့။
ဘယ်နည်းနဲ့မှ တစ်သိန်းငါးသောင်းဆိုတာ မဟုတ်နိုင်ဘူးလို့ သေသေချာချာ သိပေမယ့် ကိုယ်မှာ စာရင်းအင်းမရှိတော့ ရှုံးဘက်က ချည်းပေါ့။ ကုလားကလည်း အတော်မျက်နှာပြောင်တယ်။ ဖေဖေတို့ မေမေတို့က ‘ ထိုမျက်နှာလည်း ငဲ့ပါဦး။ ဒီလောက် မဟုတ်နိုင်ပဲနဲ့ ဒီစာရင်းဟာ မင်းတို့ ဘယ်လို လုပ်ကြတာလဲ။ မူလကလည်း အတိုးယူဖို့ မပြောကြပါဘူး။ ငွေချေးတာမှ မဟုတ်ဘဲ ကုန်ကြွေး မင်းတို့ ပေးလို့ယူတာပဲ။ တို့ဟာ တစ်လ တစ်ထောင်၊ တစ်ထောင့်ငါးရာဖိုးထက် ပိုယူတာ တစ်ခါမှ မရှိဘဲနဲ့‘ လို့ ပြောတယ်။
ကုလားကလည်း ‘ ကုန်ဈေးကို အသေမှတ်ထားလို့ မရဘူး။ ခင်ဗျားတို့လဲ ဆိုင်ဖွင့်နေတာ ကုန်ဈေးနှုန်းတက်တဲ့အခါ တန်ဖိုးပိုကျလာတယ် ဆိုတာ ခင်ဗျားတို့ ခင်ဗျားတို့ အသိသားနဲ့။
မေမေကထပ်ပြီး ရှင်းပြပန်တယ်။ ‘ အေးကွယ် ဈေးတက်လို့ ပိုကျပါဦး၊ တစ်လ တစ်ထောင်ဖိုး ယူတဲ့ အလှည့်ကိုတောင် တစ်ထောင်ဖြုတ်ပြီး ထောင့်ငါးရာ မှန်မှန်ထားပါဦး ၊ တစ်လ ထောင့်ငါးရာ၊ တစ်နှစ် တစ်သောင်း ၊ ၃ နှစ် ငါးသောင်းလေးထောင်။ ကဲ ခြောက်သောင်းပဲ ထားပါဦးတော့ကွယ်၊ ခုတော့ တစ်သိန်းငါးသောင်း အတိုးပါနဲ့ဆိုရင် အကျိုးနည်းနေပါပကောလားကွယ်နဲ့ ထိပ်မြွေကိုက်တဲ့ အနေမျိုးနဲ့ ကုလားကို တိုးလျှိုးတောင်ပန်ကြတာပေါ့လေ…။
‘ ကုလားကလည်း ခင်ဗျားတို့ ရိုးသေသလိုနဲ့ ကျေးဇူးကန်းတယ်။ ကျုပ်ကောင်းခဲ့သမျှတွေ အလာကားပါ။ ကျုပ်က စာရင်းနဲ့ထားတာ၊ ခင်ဗျားတို့က စာရင်းမပြနိုင်ဘူး ပါးစပ်က အရမ်းတွက်ပြနေတာ ကတော့မှန်ရမယ်။ ကျုပ်စာရင်းဟာ အစိုးရကို အမြတ်တော်ကြေးပေးနေတဲ့ စာရင်းဗျ။ ဒီစာရင်းက မှားတယ်ပေါ့လေ။ ကဲ- ရုံးကြမှ သိမယ်လို့ တစ်ခါကြိမ်းလိုက်ရုံနဲ့ပဲ ဖေဖေရော မေမေရော မျက်လုံးပြူး မျက်ဆန်ပြူး ဖြစ်သွားပြီး ရုံးဂတ်ဆိုရင် ကြောခြမ်းအောင် ကြောက်ကြတော့ ဆိုင်ရော၊ လယ်ဧက ၃၀၀ ကျော်ရော၊ တပည့်တော် လက်ဝတ်လက်စား ရွှေစိန်တွေရော အကုန်လုံး ကုလားလက်ထိုးအပ်လိုက်ရ ပါတယ် ဘုရား။‘
(အဲဒါဟာ စီးပွားရေးအားဖြင့် စပါးကြီး (ကုလား)က ပထမ မျိုခြင်းပဲ ဒကာကြီး။)
အဲဒါနဲ့ တပည့်တော်လည်း ကျောင်းထွက်လိုက်ရရော။ လူကြီးမိဘတွေကလည်း ဘာလုပ်ရ ဘာကိုင်ရမှန်း မသိဘူး။ ဈေးတောင်းလည်း ခေါင်းပေါ် မတင်ဝံ့ သူများအခစားအခိုင်းစေတို့ကလည်း မဖြစ်၊ကူလီလည်း မထမ်းနိုင် နောက်ဆုံးဖြစ်သမျှအကြောင်း အကောင်းပဲဆိုပြီး နေတဲ့အိမ်ကို ဒီကုလား ဆီမှာ ပေါင်းရပြန်တယ်။ အကုသိုလ်ဝင်လာတော့ ဒီကရတဲ့ငွေနဲ့ ဘာလုပ်လုပ်ဘာကိုင်ကိုင် လုံးပါးပါးပြီး မကြာခင် ပြတ်သတ်သွားပြန်တာပါပဲ။